LANDA, Mariasun (2012): Maitagarria eta desioa. Elkar.
Marrazkiak: Maite Gurrutxaga Otamendi
(80 orrialde)
Maitagarri hegalari bat Bai izeneko neska
batekin topatu da eta, hark lagundu dionez, prest agertu zaio desio bat
betetzeko. Neskatoak, Baik (edo Ezbaik), ez du derrepentean bere desioa eskatu
nahi izan eta biharamunean berriro etortzeko agindu dio zein desio nahi duen berriz
ere galde diezaion. Eta horrela jarraitu du etortzen maitagarri txikiak harik
eta Ezbai hil den arte. Tartean Ezbai, Tomas izeneko mutil batekin maitemindu,
ezkondu, familia osatu eta zahartu eginen da, egunero maitagarriren bisita
jasotzen duela eta egunero erantzun berbera emanez: biharamunean berriro
galdezka etortzeko. Izan ere, “bazekien arriskutsua dela desio duguna berehala
lortzea. Nonbait, ipuin horietako pertsonaia askori bizitzan behin hori gertatu
eta gaizki bukatzen zuten, oso gaizki, ezin baitzuten besteekin zoriontsu izan”[1].
Badirudi desioak, ametsak, planak gauzatzeko
modua ahalegina eta lana direla erakutsi nahi duela egileak. Magia, gaitzesten
ez duen arren, bidezidorra izaten da, eta ez du laguntzen pertsonak heltzea:
nekearen eta oinazearen esperientzia gogorra baina hezitzailea saihesten dute,
eta hori ez da ipuin honetan gertatzen.
Istorio emotibo, poetiko eta bitxia dugu
Mariasun Landaren hau, nolabaiteko transzendentziari muzin egiten ez diona,
nahiz eta bukaera irekia (eta oso literarioa) izan.
No comments:
Post a Comment